Урачысты сход на агрэгатным заводзе

З прафесійным святам ад імя ўлад раёна прысутных трактарабудаўнікоў павіншавала намеснік старшыні райвыканкама Таццяна Шчэберака. Перадавікі вытворчасці былі ўзнагароджаны ганаровымі граматамі і прэміямі. Асобным загадам ўшанаваны тыя работнікі агрэгатнага завода, чые партрэты і прозвішчы будуць занесены на завадскую Дошку гонару.

Святочны канцэрт ад творчых народных калектываў выкладчыкаў Смаргонскай школы мастацтваў імя М. К. Агінскага стаў яшчэ адным падарункам да свята.

Ала КЛЕМЯНОК.

Фота аўтара.