Ад шчырага сэрца

Праз "гродзенскi" iнтэрнэт (www.forum.grodno.net) пры падтрымцы Чырвонага Крыжа прайшла акцыя дапамогi дзiцячаму дому змешанага тыпу па праспекце Янкi Купалы.

Дабрачынную акцыю падтрымалi каля двухсот гродзенцаў. За два тыднi сабралi i перадалi дзiцячаму дому вялiкую колькасць канцтавараў, адзення i абутку, дыскаў з фiльмамi i музыкай, настольных гульняў, швейнай фурнiтуры для заняткаў у гуртках, камп'ютар, два манiторы i iншыя рэчы. Акцыя завяршылася канцэртам, якi арганiзавалi члены клуба аматараў японскай культуры i ўдзельнiкi Гродзенскага музычнага партала, конкурсамi i "салодкiм сталом" для выхаванцаў дзiцячага дома.