Венесуэльца будуць судзіць за футболку з Чавесам

Надпіс на майцы венесуэльца, на думку следчых, абразіў прэзідэнта краіны Уга Чавеса.

49-гадовы Эрнандэс Сокет быў арыштаваны на бейсбольным матчы ў лютым за футболку з надпісам «Ср*ць я хацеў на тваю рэвалюцыю, Уга».

Па яго ўласных словах, у момант затрымання людзі на стадыёне выказвалі яму словы падтрымкі.

Пазней ён быў адпушчаны на волю пад абавязальніцтва рэгулярна адзначацца ў судзе.

«Я спраўна з’яўляўся перад судом да мінулага тыдня, а ў гэты панядзелак атрымаў позву на судовае разбіральніцтва», — заявіў Сокет. Ён дадаў, што разгляд справы пачнецца 1 снежня, а працэс будзе праходзіць у крымінальным судзе штата Нуэва-Эспарта.