ПСЖ прайграў на выездзе «Нансі»

Супернік барысаўскага БАТЭ па 1/16 фіналу Лігі Еўропы ПСЖ прайграў у 19-м туры чэмпіянату Францыі на выездзе «Нансі» — 0:2.

Гульня прайшла 22 снежня.

Першы круг завершаны. ПСЖ дзеліць 2-4-я месцы з «Ліёнам» і «Рэнам», усе каманды маюць па 31 пункце. Лідзіруе ў чэмпіянаце Францыі «Ліль» з 32 баламі, які да таго ж мае на гульню меней.

Чэмпіянат Францыі адновіцца 15 студзеня.

ПСЖ згуляе ў гэты дзень на сваім стадыёне «Парк дэ Прэнс» з «Сошо». Да першага матча з БАТЭ паржыскі клуб правядзе чатыры гульні ў нацыянальным чэмпіянаце.

Матч БАТЭ — ПСЖ пройдзе 17 лютага ў Мінску. 24 лютага каманды згуляюць у Парыжы.