Сяргей Касціцын закінуў 6-ю шайбу за «Нэшвіл»

Беларускі форвард Сяргей Касціцын закінуў 6-ю шайбу ў  сезоне 2010–2011 НХЛ. Але яго "Нэшвіл" саступіў «Чыкага» — 1:4, шайбу беларус закінуў пры ліку 0:3.

«Нэшвіл» з 40 баламі займае другі радок у Цэнтральным дывізіёне і 7-е ў Заходняй канферэнцыі.

Лідар Заходняй канферэнцыі «Дэтройт» выйграў у овертайме ў «Ванкувера» — 5:4, а абаронца «красных крылаў» Руслан Салей вызначыўся галявым пасам (пры ліку 2:3).

Беларускі дэсант у НХЛ:

Міхаіл Грабоўскі (Таронта) — 25 бамбардзірскіх балаў (12+13), Андрэй Касціцын (Манрэаль) — 21 (9+12), Сяргей Касціцын (Нэшвіл) — 14 (6+8), Руслан Салей (Дэтройт) — 6 (0+6).