У Мядзеле прайшоў конкурс сярод аздараўленчых лагераў

Момант конкурсу.

У райцэнтры ў аўторак прайшоў раённы конкурс дзіцячых забаўляльна-гульнявых праграм аздараўленчых лагераў “Нясумныя канікулы”.

Удзельнічалі ў ім прадстаўнікі ўстаноў адукацыі з розных куткоў Мядзельшчыны.

Свае праграмы яны дэманстравалі на сцэне амфітэатра. Праводзілі з дзецьмі розныя гульні, конкурсы. Вучні пераўвасабляліся і ў казачныя персанажы, і ў Каралеву Вялікабрытаніі – гэткі сцэнарый падрыхтавалі ўдзельнікі лагера “Лінгвісцёнак” з гімназіі-інтэрната.

Ацэньвала выступленні дарослае і дзіцячае журы. Лепшых адзначылі у трох намінацыях: сюжэтная гульнявая, танцавальна-забаўляльная і конкурсная праграмы.

Алесь ВЫСОЦКІ.

Фота Алеся ВЫСОЦКАГА.