Яйкi, крыпаныя сечаным селядцом

Складнiкi: 10 яйкаў, 1 бульбiна, 1 морква, 1 агурок, 100 г зялёнага гарошку, 200 г маянэзу. Для накрыпкi: 300 г селядца, 1 яблык, 50 г белага хлеба, 1 цыбулiна, 2 ст. лыжкi сметанковага масла, 1 ч. лыжка воцату, перац.

Звараныя ўкрутую яйкi ачысцiць ад шкарлупiны, разрэзаць напалову i выняць жаўткi. Паловы яечных бялкоў накрыпаць начыннем, прыгатаваным з сечанага селядца i часткi жаўткоў. Начынне выраўняць так, каб надаць кожнай палове форму цэлага яйка. Звараныя, ачышчаныя бульбу i моркву, а таксама салёныя агуркi нарэзаць кружочкамi, выкласцi на посуд, на iх пакласцi крыпаныя яйкi, палiць маянэзам, упрыгожыць сечаным жаўтком, зялёным гарошкам.

Падрыхтоўка накрыпкi* з сечанага селядца.

Селядзец ачысцiць, адлучыць мякаць ад костак, нарэзаць лустачкамi*. Яблыкi ачысцiць ад скуркi i, разрэзаўшы на часткi, выдалiць асяродак. Пшанiчны хлеб папярэдне замачыць у малацэ, а затым адцiснуць. Цыбулю нашаткаваць i злёгку падсмажыць. Падрыхтаваную емiну прапусцiць праз мясасечку*, дадаць размякчанае сметанковае масла, молаты перац, воцат i старанна перамяшаць.

* Накрыпка — начинка.

Лустачкi — ломтики.

Мясасечка — мясорубка.

Колцы

Складнiкi: 500 г любiвай свiнiны, 3 яйкi, 150 г мукi, 150 г малака, 100 г тлушчу*, 30 г алею, соль.

Свiнiну нарэзаць шматкамi, адбiць, пасыпаць соллю i перцам, зрабiць пасярэдзiне надрэзы i надаць вырабам форму колца.

Прасеяную муку развесцi цёплым малаком, размяшаць, каб не было камякоў, дадаць алею, жаўткi яйкаў, соль i пакiнуць на 10 — 15 хвiлiн для набракання клейкавiны. Затым у цеста ўвесцi ўзбiтыя бялкi i размяшаць. Падрыхтаванае мяса акунаць у цеста i смажыць у тлушчы. Давесцi да гатовасцi ў духоўцы.

* Тлушч — жир.

Будзённая вячэра

Складнiкi: 700 г любiвай свiнiны, 50 г морквы, 3 зубкi часнаку, 30 г тлушчу, заправы, цукар, соль, хрэн, 10 невялiкiх бульбiн.

Мяса абмыць, ачысцiць ад плёнак, пасыпаць дробкай цукру, пасалiць, паперчыць, нашпiгаваць нарэзанымi брусочкамi морквы i часнаку, запячы ў вельмi гарачай духоўцы толькi да атрымання румянай скарыначкi. Пакласцi ў рондаль, дадаць цыбулю, лаўровы лiст i прыправы, залiць шклянкай кiпеню i тушыць пад накрыўкай да гатовасцi. Затым мяса выняць, абкласцi печанай бульбай i хрэнам.

Баравiкi ў вяршках

Складнiкi: 500 г свежых грыбоў, 1 цыбулiна, 2 ст. лыжкi сметанковага масла, 150 г вяршкоў*, соль, гваздзiка.

Грыбы перабраць, памыць i адварыць. У рондаль пакласцi дробна нашаткаваную цыбулю з маслам, усё залiць вяршкамi i даць закiпець. Потым дадаць насечаных шчыпяроў, гваздзiкi i патушыць.

* Вяршкi — сливки.

Катлеты з хрэнам

Складнiкi: 500 г мяса (свiнiны цi цяляцiны), 100 г малака, 1 яйка, 50 г булкi, 1 цыбулiна, 100 г сметанковага масла, 100 г смятаны, 50 г мукi, 50 г цёртага хрэну, зелянiна пятрушкi, соль.

Прыгатаваць катлетную масу з яйкам i булкай, намочанай у малацэ. Дадаць нацёртую на тарцы* цыбулю, сечаную зелянiну пятрушкi, змяшаць. Зрабiць катлеты, абкачаць ix у муцэ i смажыць на сметанковым масле*. Цёрты хрэн аблiць кiпенем, злiць ваду, змяшаць хрэн са смятанай, пасалiць i залiць падсмажаныя катлеты, затым закiпяцiць адзiн раз.

* Тарка — терка.

Сметанковае масла — сливочное масло.

По просьбе уважаемого Ю.Качука причитающийся ему авторский гонорар будет перечислен на счета Зельвенского районного социально-педагогического центра и Центра коррекционно-развивающего обучения и реабилитации г.п. Зельва.