"Наша інфармацыйнае поле скіравана на стварэнне",

— адзначыла першы намеснік міністра інфармацыі Лілія Ананіч падчас зацікаўленай размовы за круглым сталом "Жанчыны-журналісты — за адраджэнне духоўна-маральных ідэалаў, захаванне сям'і і сямейных каштоўнасцяў".

Гэтае прэс-мерапрыемства (арганізатары яго — Беларускі саюз жанчын і Беларускі саюз журналістаў пры падтрымцы Міністэрства інфармацыі Беларусі) адбылося ў храме-помніку ў гонар Усіх Святых у рамках Тыдня святых жанчын-міраносіц з удзелам протаіерэя Фёдара Поўнага.

Жанчына заўсёды супраць зла, супраць насілля і агрэсіі. Да гонару нацыянальных СМІ, яны ў пераважнай большасці захоўваюць чысціню і маральнасць, падкрэсліла Лілія Ананіч.

За круглым сталом абмяркоўваліся самыя розныя тэмы і праблемы — ад лакальна журналісцкіх (работа з маладымі кадрамі, пытанні духоўных складнікаў тэлебачання) да жаночых, сямейных (як папярэдзіць разводы) і нават глабальных (як прадухіліць адсутнасць дэмаграфічнай будучыні)...

Таццяна Падаляк