Сноўскія дажынкі

Хлебаробы агракамбіната "Сноў" Нясвіжскага раёна аднымі з першых у краіне завяршылі жніво. А яно ішло больш чым на 2,5 тысячы гектараў. Сярэдняя ўраджайнасць збожжавых склала 71 цэнтнер з гектара. Некаторыя ўчасткі хлебнай нівы парадавалі ўраджайнасцю ў 93 цэнтнеры. На сноўскіх дажынках з асаблівым гонарам шанавалі лепшых камбайнераў і шафёраў:

  Віктара Карповіча (на фотаздымку справа), які намалаціў без малога дзве тысячы тон збожжа, Вячаслава Шарапу, намалот якога склаў 1,7 тыс. тон і Уладзіміра Капытку (на фота злева), які намалаціў больш за 1,5 тысячы тон. А сноўскі вадзіцель Вячаслаў Захараў прызнаны лепшым на Міншчыне на перавозцы новага хлеба. Яго рэкорд — 2,5 тысячы.