ХРОНІКА АПОШНІХ ПАДЗЕЙ
Старшынство ў Еўрасаюзе на бліжэйшыя паўгода пераходзіць да Польшчы — упершыню з часу яе ўступлення ў ЕС у 2004 годзе.
Сярод асноўных прыярытэтаў Польшчы ў якасці старшыні называюць далейшае пашырэнне Еўрасаюза, эканамічны рост і ўмацаванне сувязяў з паўднёвымі і ўсходнімі суседзямі альянсу. Ужо чацвёрты раз старшынёй ЕС становіцца краіна былога савецкага блока: у 2008 годзе альянс узначальвала Славенія, у 2009 — Чэхія і ў першай палове 2011 года — Венгрыя.
Інстытут ратыраванага старшынства ў ЕС страціў былую значнасць пасля ўступлення ў сілу Лісабонскіх дамоў і з'яўлення пасады прэзідэнта Еўрапейскага савета і кіраўніка замежнапалітычнага ведамства ЕС.
Грэцыя канчаткова ўхваліла план жорсткай эканомііПарламент Грэцыі прыняў закон пра рэалізацыю Сярэднетэрміновай фінансавай праграмы, якая прадугледжвае меры па скарачэнні дзяржаўных выдаткаў і павелічэнні прыбыткаў на агульную суму 28,4 млрд еўра да 2015 года.
У дакуменце дэталёва прапісаны падатковыя меры і скарачэнні выдаткаў, а таксама замацаваны крокі па першачарговай прыватызацыі дзяржаўнай уласнасці. У прыватнасці, вызначаецца парадак арганізацыі агенцтва па прыватызацыі, меры па абмежаванні прыёму ў дзяржсектар, уносяцца карэктывы ў рэгуляванне аховы працы.
Прыняцце закона было абавязковай умовай ЕС і МВФ для працягу 110-мільярднай крэдытнай падтрымкі Грэцыі, якая сутыкнулася з перспектывай дэфолту па дзяржаўным доўгу. Тым часам у самой Грэцыі ўжо некалькі сутак працягваюцца маштабныя дэманстрацыі і беспарадкі. У Афінах і ў іншых гарадах людзі пратэстуюць супраць скарачэння бюджэтных выдаткаў.
Суд вызваліў Строс-Кана
У пятніцу нью-ёркскі суд прыняў рашэнне пра зняцце з былога кіраўніка МВФ Дамініка Строс-Кана, абвінавачанага ў спробе згвалтавання, хатняга арышту. Як паведамляе Аgеnсе Frаnсе-Рrеssе, чыноўнік быў вызвалены пад абавязанне з'явіцца на пасяджэнне суда па першым патрабаванні.
Рашэнне было прынята на наступны дзень пасля таго, як стала вядома, што справа супраць Строс-Кана можа разваліцца. Прычынай сталі высновы следства, якое выкрыла жанчыну, што паскардзілася на чыноўніка, у хлусні. У прыватнасці, высветлілася, што яна падала несапраўдныя звесткі пра акалічнасці сваёй іміграцыі ў ЗША з Гвінеі, а ў яе сведчаннях пра напад Строс-Кана былі выяўленыя нестасоўкі.
Акрамя таго, ісціцу выкрылі ў сувязях з нейкім асуджаным, з якім яна абмяркоўвала перспектывы судовага іска супраць былога кіраўніка МВФ. Аказалася, што раней гэты асуджаны, а таксама шэраг іншых асобаў папаўнялі банкаўскі рахунак жанчыны.
Шампуні і розныя касметычныя сродкі робяць чалавека поўнымДаследчыкі зрабілі сенсацыйную заяву: у эпідэміі атлусцення вінаваты не толькі нездаровы лад жыцця, але і хімічныя злучэнні, што выкарыстоўваюцца ў распаўсюджаных прадуктах прыгажосці, піша Thе Dаіlу Mаіl.
Урачы з медыцынскага цэнтра "Маўнт Сінай" у Нью-Ёрку ўпэўнены: фталат, які ўваходзіць у склад 70% шампуняў, касметычных прадуктаў і мыла, парушае працу эндакрыннай сістэмы і яго лепш пазбягаць. Трэба сказаць, заявы амерыканскіх спецыялістаў суадносяцца з раней праведзенымі доследамі, якія паказалі, што хімічныя злучэнні здольныя нашкодзіць сістэме, што кантралюе нашу вагу.
Аказалася, рэчывы, якія ўплываюць на эндакрынную сістэму, могуць імітаваць эфект гармонаў і ўплываць на працу залоз, што іх выпрацоўваюць. Апроч фталату, навукоўцы з цэнтра таксама занеслі ў "чорны спіс" бісфенол-А, які лёгка знайсці ў складзе шматлікіх кантэйнераў, пластыкавых бутэлек з вадой і нават дзіцячых бутэлечак.
Педыятр Майда Галвез, якая ўдзельнічала ў даследаванні 330 дзяцей ва Усходнім Гарлеме, канстатуе: ёй разам з калегамі атрымалася выявіць сувязь паміж хімічнымі злучэннямі і вагой чалавека. Медык раіць выбіраць сродкі без аддушак і арганічныя лінейкі прадуктаў.