Беспрацоўны зарабіў на валюце 52,4 мільёна рублёў

Супрацоўнікі ўпраўлення па барацьбе з эканамічнымі злачынствамі УУС Віцебскага аблвыканкама разам з калегамі і работнікамі Упраўлення Дэпартамента фінансавых расследаванняў Камітэта дзяржкантролю ўвечары затрымалі беспрацоўнага, які незаконна займаўся купляй і продажам валюты. Устанавілі, што ўсяго за трыццаць дзён валютчык зарабіў звыш 52,4 мільёна рублёў. У адносінах да гэтага 43-гадовага "банкіра"-самавучкі, які займаўся незарэгістраванай прадпрымальніцкай дзейнасцю, заведзена крымінальная справа.

Аляксандр ПУКШАНСКІ.