У Калумбіі ўзарвалася шахта

На паўночным захадзе Калумбіі выбух метану на шахце загубіў не менш за 16 гарнякоў, пад зямлёй застаецца каля 70 чалавек.

Выратавальнікам атрымалася выняць з-пад зямлі 90 чалавек. Выбух метану быў настолькі магутным, што пашкодзіў металічныя канструкцыі на ўваходзе ў шахту і адміністрацыйны будынак. Губернатар дэпартамента Луіс Рамас лічыць, што "верагоднасць выратавання шахцёраў, заблакаваных у двухкіламетровым тунэлі, невялікая", і колькасць ахвяраў можа ўзрасці.