АБЗАЦ

Пачатак веснавой паводкi ў Беларусi прагназуецца на другую дэкаду сакавiка. Па звестках МНС, найбольш верагоднае падтапленне сельгасугоддзяў, населеных пунктаў, размешчаных уздоўж рэчышча Прыпяцi (Пiнскi, Столiнскi, Лунiнецкi, Петрыкаўскi, Жыткавiцкi, Лельчыцкi раёны), Дняпра (у Рэчыцкiм i Лоеўскiм раёнах), Сажа (у Слаўгарадскiм раёне).

Два школьнiкi пацярпелi ў Мiнску ад снегу, што звалiўся з даху. Абодва выпадкi адбылiся 20 лютага. Першы — на вул. Чкалава, дзе на вучня 6-га класа з даху звалiлiся наледзь i мокры снег. Пасля аказання меддапамогi з дыягназам "удар левай кiсцi рукi" дзiця было адпушчана дадому. Другi выпадак адбыўся на вул. Раманаўская Слабада. З жылога дома на хлопчыка 2000 года нараджэння, вучня 3-га класа, звалiўся мокры снег. Пасля аказання меддапамогi ён таксама быў адпушчаны дадому з дыягназам "пашкоджанне мяккiх тканак галавы".

Электрацягнiк з пасажырамi прастаяў памiж станцыямi мiнскага метро 20 хвiлiн. НЗ адбылося 20 лютага ў 10 гадзiн вечара. Састаў рухаўся па Аўтазаводскай лiнii ў кiрунку станцыi "Магiлёўская" i спынiўся памiж станцыямi "Спартовая" i "Пушкiнская". Цягнiк некалькi разоў кранаўся з месца, аднак кожны раз рух спыняўся. Па тлумачэннi спецыялiстаў, затрымка была выклiканая тэхнiчнымi прычынамi.

Генеральная пракуратура Беларусi падазрае галоўнага бухгалтара РУП "Белпрамбудпраект" Мiнiстэрства будаўнiцтва ў буйных крадзяжах, паведамляе БЕЛТА. Бухгалтар падазраецца ў тым, што на працягу мiнулага года складала заведама падложныя дакументы бухулiку, а таксама ўносiла змяненнi ў службовую камп'ютарную праграму. З дапамогай гэтай махiнацыi было скрадзена больш за Br56 млн, што належалi прадпрыемству.

Пракуратура Маскоўскага раёна Мiнска праводзiць праверку па факце смерцi слесара сталiчнага аўтапарка № 5. Мужчына быў знойдзены мёртвым ноччу 21 лютага ў салоне аўтобуса МАЗ на тэрыторыi прадпрыемства. Ён ляжаў на падлозе, падклаўшы пад галаву куртку. Прычыны смерцi вызначаюцца.

Каля 30 рукадзельнiц з Лодзiнскага ваяводства (Польшча) уручную вышываюць карцiну "Грунвальдская бiтва". Работа майстрых, прысвечаная 600-годдзю бiтвы пад Грунвальдам, з'яўляецца копiяй твора вядомага польскага мастака Яна Мацейкi. Памер карцiны — 4 на 10 м.

Супрацоўнiкi Крычаўскага РАУС раскрылi крадзеж воданапорнай вежы коштам Br24 млн. Каля вёскi Слабада гэтага раёна чацвёра зламыснiкаў, выкарыстоўваючы газазварку, зрэзалi воданапорную вежу, што абслугоўвала мясцовую ферму, распiлавалi яе на часткi, а затым вывезлi i схавалi непадалёк ад месца злачынства. Зламыснiкi меркавалi збыць вежу ў якасцi металалому за межы краiны. Заведзена крымiнальная справа.