ХРОНІКА АПОШНІХ ПАДЗЕЙ

У Лiтве падпiсаны закон аб абароне дзяцей ад эротыкi

Прэзiдэнт Лiтвы Даля Грыбаўскайтэ падпiсала новую версiю закона "Аб абароне няпоўнагадовых ад негатыўнай iнфармацыi". Пра гэта паведамляе Dеlfi.lt.

Закон, як паведамлялася раней, заклiканы абаранiць дзяцей i падлеткаў ад "iнфармацыi эратычнага кшталту", якая можа заахвоцiць iх да палавых кантактаў да дасягнення паўналецця. Паўналецце ў Лiтве надыходзiць з 18 гадоў. Акрамя таго, дакумент уводзiць абмежаваннi на распаўсюджванне iнфармацыi, якая "папiрае сямейныя каштоўнасцi".

Закон увойдзе ў сiлу з сакавiка 2010 года.

Галоўным адрозненнем новай версii закона стала адсутнасць забароны на "прапаганду гомасэксуальных i бiсэксуальных адносiнаў". Такая норма, якая змяшчалася ў ранейшай версii закона, выклiкала пратэсты праваабаронцаў, а таксама прадстаўнiкоў Еўрапарламента, якiя палiчылi, што яна ўшчамляе правы чалавека. У вераснi Еўрапарламент нават прыняў адмысловую рэзалюцыю, заклiкаўшы лiтоўскiх парламентарыяў змянiць "дыскрымiнацыйны" (па меркаваннi еўрадэпутатаў) закон.

Бердымухамедаў забаранiў сустракаць Новы год у рэстаранах

Жыхарам Туркменii забаронена адзначаць навагоднiя святы ў рэстаранах i кавярнях. Пра гэта паведамляе ІА "Фергана.Ру" са спасылкай на свае крынiцы ў Ашхабадзе.

Паводле iнфармацыi агенцтва, забарону ўвёў прэзiдэнт краiны Гурбангулы Бердымухамедаў. Рашэнне было прынята ў сувязi з нядаўнiм пажарам у расiйскiм начным клубе "Кульгавы конь", у вынiку якога загiнулi больш за 150 чалавек.

Забарона падоўжыцца да 3 студзеня 2010 года.

Ва Украiне з-за непагадзi абясточаныя больш за тысячу населеных пунктаў

Ва Украiне з-за моцнага ветру, мокрага снегу i дажджоў без электрычнасцi засталiся 1077 населеных пунктаў у 14 абласцях, паведамляюць "Украiнскiя навiны".