Прэс‑канферэнцыя Лукашэнкі пройдзе ў Нацыянальнай бібліятэцы

30 снежня адбудзецца прэс‑канферэнцыя прэзідэнта Беларусі Аляксандра Лукашэнкі беларускім сродкам масавай інфармацыі.

Для ўдзелу ў мерапрыемстве запрошаны прадстаўнікі як дзяржаўных, так і недзяржаўных СМІ.

Паводле звестак БелаПАН, прэс‑канферэнцыя пройдзе ў Мінску ў будынку Нацыянальнай бібліятэкі. Пачатак мерапрыемства запланаваны на 12.00.

Упершыню ў межах прэс‑канферэнцыі кіраўніка дзяржавы пройдуць прамыя ўключэнні з рэгіянальных студый, і рэгіянальныя журналісты атрымаюць магчымасць задаць пытанні прэзідэнту.