Лялькі на ўсе выпадкі ў яслях-садзе № 10 у Асіповічах

У фестывалі педагагічных ідэй “Каб мова родная гучала” прынялі ўдзел спецыялісты ўсіх абласцей краіны, а Магілёўшчыну прадстаўляла выхавальнік ясляў-сада № 10 нашага горада Алена Шычко. Яе выступленне “Далучэнне выхаванцаў да беларускай мовы праз знаёмства з беларускай лялькай” зацікавіла многіх удзельнікаў: педагог праілюстравала сваю прамову калекцыяй тэкстыльных абрадавых лялек і альбомам па іх вырабе.

Дарэчы, у названай установе дашкольнай адукацыі глыбока вывучаецца дадзеная тэма. Шмат гадоў калектыў “Расінкі” вядзе паслядоўную мэтанакіраваную работу па выхаванні нацыянальнай самасвядомасці дашкольнікаў, і адмысловыя лялькі сталі найлепшым навучальным сродкам.