Легенда беларускай рок-музыкі Лявон Вольскі з аднайменным гуртом Volski выступілі ў Берасці - фото

Музыкі выканалі найлепшыя песні з сольных альбомаў, а таксама N.R.M. і „Мроі” ў межах электрычнага тура па Беларусі. Апошні раз у Берасці Лявон Вольскі выступаў 7 год таму ў 2011 годзе. Тады, у сувязі з забаронай ягонага канцэрту, Лявону прыйшлося выступіць наўпрост у будынку ўніяцкай царквы, што на Рэчыцы.

Сёлета сітуацыя з канцэртамі лепшая, і таму мерапрыемства ў паб-клубе COYOTE прайшло без забаронаў і пад бел-чырвона-белымі сцягамі:

– Выдатна, што няма забаронаў. Не думайце, што гэта назаўсёды. Гэта можа ў любы момант вярнуцца.

– Я была толькі на двух канцэртах за маё жыццё. Але эмоцыі мяне перапаўняюць. У Лявона вельмі шырокі эмацыйны спектр і грандыёзная энергетыка. Яна перапаўняе.

– Жыве Беларусь!

Канцэрт доўжыўся каля дзвюх гадзінаў. Наступным горадам, які наведае гурт Volski у межах свайго электрычнага тура, стане Магілёў.