У Шуміліне двое хлопцаў абакралі касцёл: забралі болей за 8 тысяч рублёў

У Шуміліне абакралі мясцовы касцёл Маці Божай Фацімскай. Як паведамляе сайт УУС Віцебскага аблвыканкама, двое хлопцаў 1995 і 1996 года нараджэння вынеслі з парафіі болей за 8 тысяч рублёў.

Злодзеі трапілі ў касцёл праз сутарэнне і залезлі ў сейф, дзе ляжалі грошы абшчыны а таксама асабістыя зберажэнні старшыні парафіяльнай рады.

У касцёле і раней здараліся дробныя крадзяжы, таму на тэрыторыі ўсталявалі камеры відэаназірання. Яны і зафіксавалі пранікненне злодзеяў.

Міліцыя выявіла, што папярэднія крадзяжы ў храме здзяйснялі гэтыя ж хлопцы.