Цыганкоў: Уражанне, што некаторых кандыдатаў хапае толькі на адзін выступ

Што да паўтораў [дублявання тэле- і радыёвыступаў], то, як выглядае, каманды кандыдатаў вырашаюць пасьля кожнага выступу, што іхныя звароты мелі толькі станоўчы эфэкт і вырашаюць, што ў іх няма чаго мяняць. Таксама кандыдаты, бадай, вырашаюць, што калі нехта не пабачыў іх па тэлебачаньні, то пасьля розгаласу, выкліканага першым выступам, ён абавязкова паслухае радыёзварот.

На мой погляд, гэта недапрацоўка. Фактычна пасьля кожнага выступу кандыдатаў разгортваецца даволі вялікая дыскусія ў Інтэрнэце. Выказваюцца крытычныя і станоўчыя меркаваньні пра тэкст кандыдата. Кандыдаты маглі падправіць свае слабыя моманты, і складаецца ўражаньне, што ў каманд некаторых кандыдатаў сіл хапіла толькі на адзін выступ, і менавіта таму яны вырашылі нічога не мяняць і другога не рыхтаваць.