Дзень Незалежнасці топлес

Актывісткі ўкраінскага жаночага руху FEMEN адзначылі Дзень Незалежнасці, наладзіўшы топлес-мотапробег па цэнтры Кіева. Кульмінацыяй свята стаў прыезд падраздзялення «Беркут», байцы якога затрымалі дзяўчат і адвезлі іх у пастарунак.

«Мы шчаслівыя бачыць, што нягледзячы на ўсе рэпрэсіі, мы, украінскі народ, не апускаем рукі і даказваем сваю прыналежнасць да казацкага роду, а не бандыцкага атрэб’я. Цела і душы FEMEN належаць толькі незалежнай Украіне!», – заявіла актывістка FEMEN Аляксандра Шаўчэнка.