У цэнтры Цюрыха гадзіну лавілі збеглага слана

У Цюрыху (Швейцарыя) каля гадзіны лавілі сланіху, якая збегла з цырка, што прыехаў на гастролі.

Сланіха па мянушцы Сабу ў нядзелю днём вырвалася на волю, калі яе пераводзілі ў трэйлер. Жывёла прагулялася па дзелавым цэнтры Цюрыха і нават паспела паплаваць у возеры.

Падчас незапланаванага шпацыра сланіху суправаджалі супрацоўнікі мясцовай паліцыі. Толькі праз гадзіну пасля ўцёкаў дрэсіроўшчык здолеў пераканаць Сабу вярнуцца ў цырк.

Сабу падчас шпацыру нічога не пашкодзіла.

БЕЛТА