Адзначыў дзень нараджэння пад сірэны пажарных

Трагедыяй мог скончыцца пяты дзень нараджэння маленькага жыхара вёскі Дравенякі Астравецкага раёна. 

22 кастрычніка, падчас святкавання свайго дня нараджэння, імяніннік разам з сябрамі не прыдумалі іншай забавы, як гульню з запалкамі. Чацвёра дзяцей без дазволу дарослых узялі запалкі на печы і пайшлі гуляць у хлеў, дзе захоўвалася сена.

Верагодна, нагуляўшыся, яны выйшлі з хлява, пакінуўшы там непатушаную запалку. Праз яе і адбыўся пажар. У выніку невялічкі хляўчук (яго памер прыблізна 3х3 метры) згарэў датла,− паведамляе інспектар групы прапаганды Астравецкага райаддзела па надзвычайных сітуацыях Юры Шаўцоў.

Наталля ТУР. 

Фота з сайта www.gorodkovrov.ru, mchs.gov.by