Вартаўніца вілейскага хлебазавода выратавала жылы дом

У доме па вуліцы Інтэрнацыянальнай каля паловы другой ночы пачаўся пажар.

МНС выклікала вартаўніца вілейскага хлебазавода. Жанчына якраз рабіла абход і ўбачыла дым, што ішоў з-пад даху дома, які стаіць насупраць праз дарогу.

Калі прыехалі выратавальнікі, трэцяя частка даху ўжо палыхала.

У час пажару ў доме нікога не было. Гаспадыня, пажылая жанчына, другі тыдзень ляжала ў раённай бальніцы.

У доме часам бывалі яе дзеці, для якіх ён служыць лецішчам.

Папярэдняя прычына здарэння – парушэнне эксплуатацыі электрапрыбораў: зламаны халадзільнік старога ўзору быў уключаны ў сетку.

Пра гэта расказаў інспектар інспекцыі дзяржпажнагляду Дзмітры Клешаняк.

Настасся РОЎДА.

Фота 112.by