Невядомы падпальшчык тэрарызуе вёску пад Драгічыным

Драгічынскія міліцыянты атрымалі заявы ад жыхароў вёскі Іменін. Паводле сялянаў, невядомы на працягу чэрвеня зрабіў тры падпалы хлявоў. Два будынкі згарэлі, а трэці ўдалося ўратаваць.

Выратавальнікі пацвердзілі, што хлявы падпальвалі наўмысна. Па факце падпалаў праваахоўнікі пачалі крымінальную справу.