«Сіні перац» у заснежаным Мінску

Вяртанне слыннага фэсту 1990-х «Сіні перац» сабрала разам літаратараў, артыстаў і музыкаў 2 лютага ў кавярні «Лісіная нара».

Праз сем гадоў маўчання яго ідэйны натхняльнік і стваральнік Лявон Нарушэвіч зноў сабраў прагных да альтруізму, авангардызму, імправізацыі і філантропіі людзей на адной сцэне. У баі за адраджэнне фэсту выкарысталі артылерыю аўтэнтычных спеваў, паэзіі, этнічнай музыкі і электрычнай імправізацыі.