У Літве павялічваецца заробкавая эміграцыя

Усё большая колькасць літоўцаў з’язджае за мяжу ў пошуку добрай працы. Аб гэтым сведчаць вынікі даследвання, апублікаваныя літоўскім Статыстычным камітэтам.

За 10 месяцаў 2009-га года 18 тыс. грамадзян Літвы выехала з краіны на заробкі. Гэта на 30% больш, чым у 2008-ым годзе.

Прычынай такога ўсплёску мог стаць фінансавы крызіс. У Літве ён суправаджаеца значным павелічэннем колькасці беспрацоўных . Ад моманту пачатку крызісу іх стала амаль у два разы больш, чым да яго.