“Вілія” ідзе другой у чэмпіянаце вобласці па футболе. Каманды з Маладзечаншчыны таксама атрымалі перамогі

Фота з сайта sports.ru

Другі тур чэмпіянату Мінскай вобласці па футболе прайшоў 9 мая.

У групе “А” “Валожын-2010” прайграў  “Забудове-2007” з лікам 1:3, “Маладзечна-ДЮСШ-4” дома абыграла 4:0 “Колас” з Чэрвеньскага раёна.

“Вілія” з Вілейкі атрымала другую перамогу запар: з лікам 5:1 у гасцях абыграла “Крупкі-ДРБУ-164”

“Вілія” ўзнялася на другое месца ў групе, а іх гулец Віктар Сяліцкі – у ліку лепшых бамбардзіраў турніру. Ён забіў тры галы.

“Маладзечна-ДЮСШ-4” пакуль на пятым, “Забудова-2007” – на шостым, а “Валожын-2010” на дзевятым, перадапошнім, месцы.