З’яўленне кіно яшчэ ў антычныя часы прадказаў філосаф Платон. Найбольш дасканала ўвасобілі яго ідэю ў жыццё 28 снежня 1895 года на бульвары Капуцынаў у парыжскім “Гран-кафэ” браты Луі і Агюст Люм’еры. І калі напачатку кіно ўспрымалі, як атракцыён, то зусім хутка, дзякуючы дзясяткам смелых у сваіх эксперыментах таленавітых творцаў, яно стала мастацтвам. Такі высокі статус мае і шэраг айчынных фільмаў. Таму 17 снежня мы і адзначаем з асаблівым пачуццём Дзень беларускага кіно.
