У суботу пахаладанне з моцным галалёдам, у пачатку наступнага тыдня адліга

Пахаладанне накрые Усходнюю и Цэнтральную Беларусь (Мінск, Віцебск, Магілёў, Гомель).

Пра гэта паведаміла галоўны сіноптык Рэспубліканскага гідраметэацэнтра Людміла Парашчук.

У суботу, 14 снежня, сітуацыя ў атмасферы зменіцца. Паветра з паўночных шырот зноў абумовіць пахаладанне. Уначы чакаецца мінус 3–9 градусаў, днём – ад 7 градусаў марозу па паўночным усходзе да 2 градусаў цяпла па паўднёвым захадзе краіны. На асобных участках дарог захаваецца галалёдзіца. Істотных ападкаў не чакаецца.

У нядзелю на тэрыторыю Беларусі з Заходняй Еўропы перамесціцца атмасферны фронт.

Пад яго ўплывам уначы месцамі, а днём на большай частцы краіны чакаецца кароткачасовы снег, мокры снег, днём у заходніх раёнах – мокры снег з дажджом і слабы галалёд, на асобных участках дарог галалёдзіца. Тэмпература паветра ўначы складзе ад нуля да мінус 6 градусаў, па ўсходзе пры праясненнях паветра можа астываць да мінус 7–12 градусаў. Удзень чакаецца ад мінус 6 па паўночным усходзе да плюс 3 грудсаў па захадзе Брэсцкай і Гродзенскай абласцей.

"У пачатку наступнага тыдня надвор'е ў Беларусі зноў пачнуць фарміраваць цёплыя паветраныя масы атлантычнага паходжання", – адзначыла Людміла Парашчук.

Ападкаў чакаецца нямнога, толькі ў асобных раёнах пройдзе невялікі мокры снег і дождж. Месцамі будуць згушчацца туманы, дзе-нідзе магчымы слабы галалёд, на асобных участках дарог – галалёдзіца. Вецер чакаецца заходні, паўднёва-заходні ўмераны.

Тэмпература паветра ўначы складзе ад мінус 5 да плюс 1 градуса, днём будзе ад мінус 2 да плюс 3 градусаў.

"Такі тэмпературны фон на 3-4 градусы будзе перавышаць кліматычную норму для сярэдзіны снежня", – падкрэсліла Людміла Парашчук.

"Наша ніва" паводле БелТА.