У рэзыдэнцыі Лукашэнкі жывуць каты, сабака, карова, козы, птушкі
15.08.2012 17:43
—
Новости Общества
У рэзыдэнцыі Лукашэнкі жывуць каты, сабака, карова, козы, птушкі
16 жніўня ў свеце адзначаецца Дзень абароны бяздомных жывёлаў. Як ставіцца да жывёлаў кіраўнік Беларусі Аляксандр Лукашэнка і ці мае ў сваёй рэзыдэнцыі "братоў меншых"? Ці характэрная іншым кіраўнікам дзяржаваў прывязанасць да жывёлаў?
Прэсавы сакратар Аляксандра Лукашэнкі Павал Лёгкі: "Магу дакладна сказаць, што ёсць, безумоўна ёсць. На тэрыторыі рэзыдэнцыі каты, наколькі мне вядома, сабакі. Лабрадор ёсць — памежнікі пару гадоў таму падарылі, калі мы наведвалі заставу на Гомельшчыне — аўчарка ёсць. І карова, і козы, і птушкі розныя: і качкі, і гусі, і куры — шмат розных хатніх жывёлаў. І ён сам пра гэта не раз публічна расказваў, пералічваў гэтых жывёлаў. Чалавек з вёскі, чалавек, які ведае, як трэба клапаціцца аб хатніх жывёлах, чалавек, у якога заўсёды былі хатнія жывёлы. І тут ён дзесьці звычкам сваім не здраджвае".
Палітолаг Уладзімер Мацкевіч: "Памятаю, што шмат хто з буйных палітычных дзеячоў і кіраўнікоў дзяржаў заўсёды меў нейкіх жывёлаў. У пераважнай бальшыні сабак. Але тыя, хто з больш заможных краінаў ці больш высокіх сацыяльных групаў, захапляліся коньмі. Што тычыцца хатняй жывёлы прагматычнай: козаў ці кароваў, то, шчыра кажучы, пра гэта мала хто і што ў біяграфіях пісаў, бо гэта хутчэй тычыцца гаспадаркі, а не прывязанасці дарослага чалавека да жывёлаў. А вось сабакі і коні — звычайныя спадарожнікі палітыкаў і грамадзкіх дзеячоў. Таму нічога дзіўнага няма ў тым, што чалавек, які мае шмат кантактаў з людзьмі, а гэта цяжкая справа, ён цягнецца да жывёлаў. Іншая рэч, што жывёла крыху ачалавечвае чалавека, але розныя людзі па-рознаму ставяцца да жывёлаў і рознае ад іх атрымліваюць. На жаль, вядомыя і людзі, якія здзекуюцца з жывёлаў і трымаюць жывёлаў не таму, што любяць іх і пяшчотна да іх ставяцца, а для таго, каб адчуваць сваю перавагу".
Прэсавы сакратар Аляксандра Лукашэнкі Павал Лёгкі: "Магу дакладна сказаць, што ёсць, безумоўна ёсць. На тэрыторыі рэзыдэнцыі каты, наколькі мне вядома, сабакі. Лабрадор ёсць — памежнікі пару гадоў таму падарылі, калі мы наведвалі заставу на Гомельшчыне — аўчарка ёсць. І карова, і козы, і птушкі розныя: і качкі, і гусі, і куры — шмат розных хатніх жывёлаў. І ён сам пра гэта не раз публічна расказваў, пералічваў гэтых жывёлаў. Чалавек з вёскі, чалавек, які ведае, як трэба клапаціцца аб хатніх жывёлах, чалавек, у якога заўсёды былі хатнія жывёлы. І тут ён дзесьці звычкам сваім не здраджвае".
Палітолаг Уладзімер Мацкевіч: "Памятаю, што шмат хто з буйных палітычных дзеячоў і кіраўнікоў дзяржаў заўсёды меў нейкіх жывёлаў. У пераважнай бальшыні сабак. Але тыя, хто з больш заможных краінаў ці больш высокіх сацыяльных групаў, захапляліся коньмі. Што тычыцца хатняй жывёлы прагматычнай: козаў ці кароваў, то, шчыра кажучы, пра гэта мала хто і што ў біяграфіях пісаў, бо гэта хутчэй тычыцца гаспадаркі, а не прывязанасці дарослага чалавека да жывёлаў. А вось сабакі і коні — звычайныя спадарожнікі палітыкаў і грамадзкіх дзеячоў. Таму нічога дзіўнага няма ў тым, што чалавек, які мае шмат кантактаў з людзьмі, а гэта цяжкая справа, ён цягнецца да жывёлаў. Іншая рэч, што жывёла крыху ачалавечвае чалавека, але розныя людзі па-рознаму ставяцца да жывёлаў і рознае ад іх атрымліваюць. На жаль, вядомыя і людзі, якія здзекуюцца з жывёлаў і трымаюць жывёлаў не таму, што любяць іх і пяшчотна да іх ставяцца, а для таго, каб адчуваць сваю перавагу".