13 лістапада — 205 год з дня нараджэння Эміліі Плятэр

Легендарную ўдзельніцу вызваленчага паўстання 1830-1831 гадоў называюць беларускай Жаннай д’Арк.

Графіня Эмілія Плятэр была вядомай ва ўсёй Еўропе. Яшчэ ў 30-я гады XIX стагоддзя ў Парыжы з’явілася п’еса, сюжэт якой грунтаваўся на біяграфіі беларускай рэвалюцыянеркі. Адам Міцкевіч прысвяціў ёй свой верш “Смерць палкоўніка”, жанчыну-воіна ўслаўлялі паэты Францыі, Англіі, Польшчы і Нямеччыны, Італіі і Венгрыі.

Эмілія Плятэр таксама ўвайшла ў гісторыю як збіральніца беларускага фальклору. Яна запісвала народныя казанні і песні, а таксама пісала свае верны. Гераічная жанчына памерла ва ўзросце 25 год ад хваробы.