МЗС Беларусі: даклады Дзярждэпартамента ЗША неаб'ектыўныя і ідэалагічна матываваныя

Спецыялісты Дзярждэпартамента ЗША на аснове адвольных ацэнак аднеслі Беларусь да дзяржаў, якія не прыкладаюць належных намаганняў у барацьбе з гандлем людзьмі. Як адзначыў у размове з карэспандэнтам БЕЛТА начальнік упраўлення інфармацыі МЗС Беларусі Андрэй Савіных, гэта сцвярджэнне поўнасцю супярэчыць рэальнаму стану спраў. "На думку дзяржаў — членаў ААН і спецдакладчыка па барацьбе з гандлем людзьмі Савета ААН па правах чалавека, Беларусь належыць да краін, дзе процідзеянне гандлю людзьмі ажыццяўляецца найбольш эфектыўна". Такім чынам, спецыялісты Дзярждэпарта- мента ЗША поўнасцю праігнаравалі меркаванне экспертаў ААН.