ХРОНІКА АПОШНІХ ПАДЗЕЙ

Генсак СЕ: ёсць небяспека, што адкрытых меж у нас больш не застанецца   У Еўропе больш не застанецца адкрытых меж — такая сур'ёзная небяспека існуе. Пра гэта ў інтэрв'ю каналу RT заявіў генсак Савета Еўропы Торб'ёрн Ягланд. Паводле яго слоў, адкрытыя межы ўяўляюць два віды пагроз. "Першы — гэта міжнародная злачыннасць, гэтая пагроза існуе на працягу шматлікіх гадоў. Другі — гэта ціск на межы Еўропы звонку", — заявіў чыноўнік.

Каментуючы шматтысячную хвалю іміграцыі ў краіны Еўрасаюза, справакаваную беспарадкамі ў арабскім свеце, Ягланд сказаў, што еўрапейскія краіны не гатовыя прыняць гэтую хвалю мігрантаў.

У Еўрасаюзе могуць забараніць поліэтыленавыя пакеты

Еўракамісія адкрыла публічныя кансультацыі на тэму скарачэння выкарыстання аднаразовых поліэтыленавых пакетаў. Як паведамляюць інфармагенцтвы, прапануецца не проста ўвесці новыя падаткі, а цалкам адмовіцца ад выкарыстання поліэтыленавых пакетаў.

Прычынай гэтых мер стала меркаванне ЕС пра тое, што цэлафанавыя пакеты забруджваюць навакольнае асяроддзе. Як заявіў камісар ЕС па пытаннях аховы навакольнага асяроддзя Янеш Паточнік, 50 гадоў назад аднаразовае выкарыстанне цэлафанавых пакетаў было практычна справай незвычайнай, зараз жа людзі выкарыстоўваюць іх усяго некалькі хвілін, а забруджваюць прыроду на дзясяткі гадоў. Еўракамісія будзе збіраць прапановы да жніўня 2011 года, пасля чаго падрыхтуе свае прапановы. Паводле яе ацэнак, штогод сярэдні еўрапеец выкарыстоўвае каля 500 цэлафанавых пакетаў. У год Еўропа вырабляе 3 млн тон пакетаў.

Украіна ацаніла страты ад "Паўночнай плыні"

Кампанія "Укртрансгаз", якая займаецца транзітам расійскага газу ў Еўропу, у 2012 годзе недаатрымае 700-720 мільёнаў долараў выручкі з-за таго, што Расія запусціць "Паўночную плынь" і, такім чынам, зменшыць аб'ёмы транзіту праз Украіну. Пра піша "Коммерсантъ-Украіна" са спасылкай на крыніцы ў Міністэрстве энергетыкі і вугальнай прамысловасці краіны.

18 мая было абвешчана, што першы газ па "Паўночнай плыні" можа пачаць паступаць не ў снежні-студзені, як гэта планавалася раней, а ў кастрычніку 2011 года. Гэта, як адзначае газета, азначае, што "Газпрам" можа праводзіць кампанію па транзіце з улікам перакладу часткі магутнасцяў на "Паўночную плынь".

Памідоры абараняюць ад хвароб сэрца і сасудаў

Калі штодня ўжываць у ежу памідоры, то гэта дазволіць зменшыць узровень халестэрыну і крывянога ціску і тым самым засцеражэ ад развіцця сардэчна-судзістых хвароб, высветліла міжнародная група навукоўцаў, якая працавала пад кіраўніцтвам Універсітэта Адэлаіды.

Паводле меркавання навукоўцаў, чырвоны пігмент таматаў — лікапін — валодае антыаксідантнымі уласцівасцямі, неабходнымі для здароўя. Адпаведныя высновы былі апублікаваны ў часопісе "Mаturіtаs".

У аснову працы ляглі звесткі пра эфект лікапіна, атрыманыя ў выніку 14 даследаванняў, якія праводзіліся за апошнія 55 гадоў. Такім чынам, штодня варта выпіваць па 500 мілілітраў таматнага соку ці з'ядаць па 50 грамаў таматнай пасты. Гэта можна параўнаць з эфектам ад невялікіх доз медыкаментаў, якія звычайна прапісваюць людзям са злёгку падвышаным узроўнем халестэрыну, але без пабочных эфектаў. Даследаванні паказалі: тэрмічна апрацаваныя таматы дазваляюць лікапіну лепш засвойвацца.