Змяніўся састаў сям'і, пераглядаецца і памер пазыкі на будаўніцтва...
"У канцы кастрычніка мінулага года сын здаў дакументы на будаўніцтва трохпакаёвай кватэры і атрыманне льготнай пазыкі. Ільготнай, паколькі яго жонка — сірата, яе бацька стаяў 26 гадоў у чарзе на паляпшэнне жыллёвых умоў як "чарнобылец". А потым здарылася бяда — сын трагічна загінуў 15 лістапада... Рашэнне ж аб выдзяленні пазыкі было зацверджана Заводскім выканкамам 21 лістапада. Тут яшчэ ёсць адзін нюанс: сыну некалькі разоў вярталі дакументы з-за няправільна складзенай па месцы яго працы патрэбнай даведкі. Каб не гэта, пазыку сям'я сына атрымала б яшчэ пры яго жыцці. А цяпер мы даведаліся, што яе памер будзе перагледжаны і зменшаны. Чаму? Нам гаварылі, што такое рашэнне можа быць пакінута на разгляд выканкама. Дык чаму ён не можа ўвайсці ў становішча? Пасля смерці сына засталася жонка — сірата і ўдава, і немаўля..." З такой просьбай дапамагчы разабрацца ў сітуацыі на "гарачую лінію" па парадзе сваёй сяброўкі звярнулася мінчанка, якая зараз штодня мусіць дапамагаць даглядаць унука... "Калі ласка, адказ надрукуйце ў газеце і, па магчымасці, як мага хутчэй, бо праблему трэба вырашаць хутка".
Паводле слоў начальніка аддзела жыллёвай палітыкі адміністрацыі Заводскага раёна г. Мінска Наталлі ЖУК, якая аператыўна праверыла выкладзеныя факты, у чарзе на паляпшэнне жыллёвых умоў удава (усе паперы афармляліся на яе — С.Р.) стаяла з 1984 года, прычым у агульнай чарзе. А пазыкі і крэдыты выдаваліся не як ільготныя, а ўсім тым, хто стаяў у чарзе на паляпшэнне жыллёвых умоў да 1990 года.
якая аператыўна праверыла выкладзеныя факты, у чарзе на паляпшэнне жыллёвых умоў удава (усе паперы афармляліся на яе — С.Р.) стаяла з 1984 года, прычым у агульнай чарзе. А пазыкі і крэдыты выдаваліся не як ільготныя, а ўсім тым, хто стаяў у чарзе на паляпшэнне жыллёвых умоў да 1990 года.— Сапраўды, нявестцы вашай заяўніцы памер пазыкі будзе перагледжаны. Калі раней пры поўным складзе сям'і грамадзяне маглі атрымаць бязвыплатную пазыку на будаўніцтва трохпакаёвай кватэры ў памеры 47 мільёнаў рублёў, дык цяпер, калі сям'я складаецца толькі з жанчыны і яе дзіцяці, яны могуць прэтэндаваць на атрыманне толькі 36 мільёнаў рублёў. Паколькі састаў сям'і змяніўся і даходы сына заяўніцы ўжо не могуць быць улічаны, з памеру пазыкі вылічана субсідзіраванне 20 квадратных метраў жылплошчы, — патлумачыла Наталля Георгіеўна.
Напрыканцы размовы Наталля Жук дадала, што нявестцы жанчыны патрэбна асабіста звярнуцца ў аддзел жыллёвай палітыкі адміністрацыі раёна, пры гэтым прадаставіць патрэбныя даведкі, якіх зараз не хапае. Пры жаданні, яна можа напісаць заяву на будаўніцтва кватэры меншай плошчы...
Сяргей РАСОЛЬКА.