Пракуроры адказалі пісьменнікам адпіскай

Прыйшоў адказ з Генеральнай пракуратуры Беларусі на зварот пісьменнікаў з просьбай перавесці Уладзіміра Някляева ў шпіталь.

Начальнік упраўлення Генпракуратуры па наглядзе за працэсуальнай дзейнасцю органаў унутраных спраў Я. Сіняк паведаміў, што іх зварот накіраваны для разгляду пракурору Мінска Мікалаю Куліку.

Алесь Разанаў, Васіль Зуёнак, Валянцін Акудовіч, Святлана Алексіевіч, Уладзімір Арлоў і іншыя вядомыя беларускія літаратары патрабавалі ад Генеральнай пракуратуры пераводу Уладзіміра Някляева са следчага ізалятара КДБ ў шпіталь і аказання яму тэрміновай медыцынскай дапамогі.