Работа па фарміраванні АЭП прадаўжаецца на ўзроўні экспертаў

Аб гэтым паведаміў журналістам прэс-сакратар расійскага прэм'ер-міністра Дзмітрый Пяскоў па выніках праведзенай у падмаскоўнай рэзідэнцыі Нова-Агарова сустрэчы кіраўнікоў урадаў Беларусі і Расіі Сяргея Сідорскага і Уладзіміра Пуціна, перадае карэспандэнт БЕЛТА. "Перагаворы завершаны. На экспертным узроўні работа прадаўжаецца. Заяў для прэсы не будзе", — сказаў Дзмітрый Пяскоў.

У пачатку сустрэчы прэм'ер-міністры адзначылі, што ўрады дзвюх краін знаходзяцца ў пастаянным кантакце. Сяргей Сідорскі звярнуў увагу, што застаюцца пытанні па пастаўках вуглевадароднай сыравіны і газу і іх неабходна вырашыць, каб з пачатку года эканомікі дзвюх краін працавалі ў нармальным рэжыме.