Юбiлей Уладзіміра Караткевiча з'яўляецца важнай падзеяй для ўсяго беларускага народа

Пра гэта заявiў учора мiнiстр культуры Беларусi Павел Латушка ў Оршы на цырымонii спецыяльнага гашэння паштовага канверта i арыгiнальнай маркi штэмпелем першага дня, перадае карэспандэнт БЕЛТА.

Уладзiмiр Караткевiч унёс неацэнны ўклад у развiццё беларускай лiтаратуры i культуры. "Менавiта ён у другой палове ХХ стагоддзя ярка падкрэслiў, што Беларусь мае свае глыбокiя каранi, багатую гiсторыю, права на ўласную дзяржаву. І сёння мы бачым незалежную краiну, пра якую марыў пiсьменнiк", — падкрэслiў Павел Латушка. Права зрабiць першы адбiтак штэмпелем першага дня ўдастоiлася пляменнiца Уладзiмiра Караткевiча Алена Сiнькевiч.