ХРОНІКА АПОШНІХ ПАДЗЕЙ
У ліпені-жніўні ў сувязі з задымленнем гарадоў і анамальнай спякотай у Расіі загінулі 55 тыс. 800 чалавек. Пра гэта піша "Независимая газета". Такія страты можна параўнаць толькі з гібеллю ў войнах і ўзброеных канфліктах. Для параўнання: за 10 гадоў афганскай вайны СССР страціў забітымі 15 тыс. чалавек, у двухгадовай карабахской вайне загінула каля 6 тыс., у прыднястроўскім канфлікце былі забітыя каля 1 тыс. чалавек, а сумарныя страты забітымі ў другой чачэнскай вайне не перавышаюць 25 тыс. чалавек.
Масавую згубу насельніцтва ўлетку 2010 года прасцей за ўсё спісаць на прыродную катастрофу, якая стукнула па цяжкахворых і глыбокіх старых, адзначане выданне. Маўляў, супрацьстаяць спякоце і смогу было немагчыма. А ўсплеск смяротнасці ўлетку 2010 года — усяго толькі эфект больш ранняга сыходу з жыцця цяжкіх інвалідаў, які будзе кампенсаваны скарачэннем смяротнасці ў наступныя гады. Аднак не сакрэт, што масавую згубу людзей можна было прадухіліць ці, прынамсі, значна зменшыць. Таму вінаватая ў беспрэцэндэнтных стратах не толькі спякота, але і бяздзейнасць улад, якія не змаглі ці не захацелі арганізаваць эфектыўную абарону насельніцтва. Бо ад смогу і спякоты паміралі не толькі безнадзейна хворыя старыя, але і звычайныя грамадзяне — цалкам працаздольныя людзі, але з хранічнымі захворваннямі, а таксама пацыенты бальніц і радзільняў, не абсталяваных кандыцыянерамі. Тым часам эвакуацыя хранічных хворых не ўяўляла ніякіх тэхнічных праблем і магла быць арганізавана за лічаныя дні. Не было ніякіх тэхнічных праблем і з аператыўнай усталёўкай кандыцыянераў і фільтраў у бальніцах — варта толькі было даць каманду і выдаткаваць неабходныя сродкі.
Аднак замест гэтага чыноўнікі спачатку наогул рабілі выгляд, што ніякай катастрофы ў краіне няма. У адказ на прамое пытанне пра незвычайны рост смяротнасці ў ліпені галоўны санітарны ўрач Генадзь Анішчанка заявіў, што "мы за гэтым фактарам сочым", але ніякага ўсплеску смяротнасці, у прыватнасці ў Маскве, няма. У Маскве ў сярэднім памірае ў самы спрыяльны дзень 300-340 чалавек. Гэта звычайна для 10-мільённага мегаполіса. У ліпені нічога не змянялася", — пераконваў грамадзян санітарны ўрач, калі смяротнасць насамрэч падвоілася. Падобную пазіцыю займала і кіраўнік Мінздраўсацразвіцця Таццяна Голікова, якая і пасля пачатку масавай смертнасці грамадзян усё яшчэ "афіцыйна звярталася за растлумачэннем дадзеных па смяротнасці". Катастрофа была відавочная ўсім, людзі на вуліцах затыхаліся, замежныя пасольствы эвакуявалі персанал, а расійскія ўлады — федэральныя і рэгіянальныя — рабілі выгляд, што нічога не адбываецца, абураецца аўтар артыкула.
Сёння працягваць палітыку замоўчвання масавых ахвяр ужо немагчыма. Тым больш што абыякавасць чыноўнікаў да суграмадзян нанесла ўдар па адным з галоўных доказаў поспеху ўлад — тэзісе пра стабілізацыю колькасці насельніцтва краіны і пералом тэндэнцыі да вымірання. У сувязі з анамальнай спякотай, ляснымі пажарамі і задымленнем у ліпені памерлі на 14,5 тыс. чалавек, а ў жніўні — на 41,3 тыс. чалавек больш, чым за гэты ж перыяд мінулага года — паведаміла ў аўторак Мінэканамразвіцця. Рост смяротнасці павялічыў натуральнае змяншэнне насельніцтва, якое за восем месяцаў 2010 года склала 198,3 тыс. чалавек.
Пачынаюць прызнаваць сваё дачыненне да масавай згубы людзей і ўлады. Віцэ-прэм'ер Аляксандр Жукаў даручыў Мінздраўсацразвіцця і губернатарам прадаставіць ва ўрад сістэму мер па недапушчэнні рэзкага росту смяротнасці ва ўмовах анамальнай спякоты. Тым самым урад фактычна прызнаў, што згубу грамадзян нельга спісваць толькі на спякоту і масавых страт насельніцтва цалкам можна было калі не пазбегнуць, то скараціць.
Грузія выставіла на продаж пошту"Пошта Грузіі" можа быць прададзеная замежнаму ці мясцоваму інвестару. Міністэрства эканомікі краіны абвясціла пра прыём заявак на куплю 100 працэнтаў грузінскай паштовай службы.
Кошт пакета не ўстаноўлены. Паводле правілаў конкурсу, пераможцам стане прэтэндэнт, які да 1 снежня 2010 года прапануе найбольшую суму. Статутны капітал "Пошты Грузіі" складае цяпер 36,5 мільёна лары (ледзь больш за 20 мільёнаў долараў).
Украінскія феміністкі апратэставалі прыезд Пуціна голымі грудзьміЎкраінскія феміністкі з руху FЕMЕN правялі ў Кіеве мітынг у знак пратэсту супраць візіту прэм'ер-міністра Расіі Уладзіміра Пуціна. Шэсць актывістак здзейснілі топлес-акцыю ў цэнтры ўкраінскай сталіцы — побач з помнікам Леніну на бульвары Шаўчэнка.
У руках жанчыны трымалі плакаты: "Вы нас так лёгка не нагнеце". Сярод іншых лозунгаў згадвалася вядомая расійская гімнастка Аліна Кабаева. У прыватнасці аголеныя феміністкі скандавалі: "Украіна — не Аліна", "Дзюдаіст, змагайся з іншымі", цытуе NЕWSru.uа.
Дзяўчыны з FЕMЕN паведамілі, што "дзеці", якіх яны прыціскалі да грудзей, сімвалізуюць скандальную гісторыю пра раман Пуціна з Кабаевай, які нібы меў месца і ў выніку якога ў гімнасткі нарадзіўся хлопчык Дзмітрый, названы, як паведамлялі некаторыя СМІ, у гонар прэзідэнта Дзмітрыя Мядзведзева.
22-гадовая феміністка Яўгенія Крайзман заявіла, што "Пуцін прыехаў, каб захапіць чарговы кавалак Украіны". "Мы пратэстуем супраць умяшання расійскіх лідараў ва ўнутраныя справы нашай краіны, — заявіла лідар руху Ганна Гуцол. — Пасля іх наведвання мы бачым ва Украіне абмежавання свабоды СМІ і права на дэманстрацыі, як у Расіі".
Самае папулярнае імя для нованароджаных у Англіі — МахамедІмя Махамед стала самым папулярным сярод нованароджаных хлопчыкаў у Вялікабрытаніі. Як піша Thе Dаіlу Mаіl, яно паднялося з трэцяга месца ў папярэднім годзе, апярэдзіўшы імя Джэк, якое ўзначальвала спіс на працягу апошніх 14 гадоў і зараз перамясцілася на трэцяе месца. Другое месца дасталася імя Оліверам, а чацвёртае — Гары. Такім чынам, у 2009 годзе Махамедам былі названыя 7549 хлопчыкаў.
Савет Еўропы патрабуе вярнуць губернатарскія выбары ў РасііКангрэс мясцовых і рэгіянальных улад Еўропы, які з'яўляецца кансультатыўным органам прадстаўнікоў мясцовай улады пры Савеце Еўропы, у чацвер прыняў рэзалюцыю, у якой Расіі рэкамендуецца вярнуцца да практыкі прамых губернатарскіх выбараў у адпаведнасці з палажэннямі Еўрапейскай хартыі пра мясцовае самакіраванне. Як стала вядома выданню "Газета.ru", у Савеце Федэрацыі РФ выказваюць незадаволенасць умяшаннем Еўропы ва ўнутраныя справы краіны і не збіраюцца прыслухвацца да гэтых рэкамендацый.
Аўтары дакладу — муніцыпальны дараднік з Даніі Кнуд Андэрсан і яго брытанскі калега Крыстафер Ньюбэры, вывучыўшы сітуацыю ў расійскіх рэгіёнах, прызнаюць, што Расія робіць крокі да выканання прынятай у 1985 годзе Еўрапейскай хартыі мясцовага самакіравання, аднак высілкаў недастаткова. На пасяджэнні Кангрэса ўлад у чацвер аўтары дакумента рэкамендавалі Маскве вярнуцца да прамых выбараў кіраўнікоў рэгіёнаў і мэраў гарадоў, а таксама прыступіць да сур'ёзнага выкаранення карупцыі.
Акрамя таго, у дакладзе расійскім уладам прапануецца палегчыць рэгістрацыю палітычных партый і дазволіць грамадзянам ствараць партыі ў рэгіёнах. Таксама, паводле меркавання прадстаўнікоў Савета Еўропы, Масква павінна забяспечыць умовы незалежным кандыдатам, якія пажадаюць удзельнічаць у мясцовых выбарах.