У дзень Салідарнасці партрэты зніклых каля праваслаўнага храма на плошчы Свабоды

Актывісты руху "Вольная Моладзь" у дзень Салідарнасці паклалі партрэты зніклых: Юрыя Захаранкі, Віктара Ганчара, Анатоля Красоўскага і Змітра Завадскага каля праваслаўнага храма на плошчы Свабоды.

 Каля партрэтаў моладзь запаліла свечкі.

Лідэр руху "Вольная Моладзь" Нікіта Красноў паведаміў "Народнай Волі", што такім чынам сябры арганізацыі хацелі прыцягнуць увагу грамадскасці і апанентаў Лукашэнкі да тэмы зніклых у Беларусі, а таксама звярнуць увагу на тое, што расійскі тэлеканал "НТВ" будзе дэманстраваць фільм "Хросны бацька 2". І першы, і другі фільм беларускія ўлады закрылі для прагляду гледачоў.