Вячоркі ідуць у дэпутаты сям’ёй

Былы лідэр «Моладзі БНФ» Франак Вячорка, які зараз знаходзіцца ў войску, будзе вылучацца ў якасці кандыдата ў дэпутаты Мінскага гарадскога савета. Пра гэта расказаў намеснік старшыні Партыі БНФ Ігар Лялькоў.

«Большая частка нашых кіраўнікоў ідзе ў Мінскі гарсавет. Пачынаючы ад кіраўніка партыі Аляксея Янукевіча да былога кіраўніка партыі Вінцука Вячоркі і ягонага сына, палітпрызыўніка Франка Вячоркі».

Нагадаем, што ініцыятыўныя групы кандыдатаў у дэпутаты будуць рэгістраваць да 18 лютага, вылучэнне кандыдатаў завершыцца 15 сакавіка.