Ярмошына: Юлія Цімашэнка кепска апранаецца

Кандыдат у прэзідэнты Украіны Юлія Цімашэнка не з’яўляецца ідэалам у палітыцы для старшыні Цэнтравыбаркама Беларусі Лідзіі Ярмошынай.

Пра гэта яна заявіла, адказваючы 21 студзеня на пытанні журналістаў у Мінску.

«Я лічу, што жанчына-палітык павінна апранацца іншым чынам», — сказала Ярмошына.

Кіраўнік Цэнтравыбаркама Беларусі таксама адзначыла, што не збіраецца браць прыклад з Цімашэнкі і вылучацца кандыдатам у прэзідэнты.

«Лепш я застануся ў той якасці, у якой знаходжуся цяпер. Да таго ж я не паспею адгадаваць касу, як у Цімашэнкі», — сказала яна.