У Брэсце патанулі двое малалетніх дзяцей і мужчына, які спрабаваў іх выратаваць

Як паведаміў cтаршы следчы пракуратуры Ленінскага раёна Брэста Дзмітрый Клімовіч,
трагедыя адбылася 26 снежня каля 15.00 на рацэ Мухавец, непадалёку ад кафэ «Ташкент», размешчанага на вуліцы Інтэрнацыянальнай.Двое хлопчыкаў васьмі і шасці гадоў (абодва жыхары Брэста) выйшлі на замерзлую раку. Прыкладна за 10 метраў ад берага лёд праламаўся, і дзеці сталі тануць. Мужчына, які заўважыў гэта, спрабаваў выцягнуць дзяцей і сам патануў.

Дзяцей дасталі з ракі вадалазы, якія прыбылі на месца здарэння. Цела мужчыны з вады яшчэ не дасталі. Асоба загінулага ўстанаўліваецца.

Праверку па гэтым факце праводзіць пракуратура Ленінскага раёна Брэста.