Амерыканцы мянялi дзяцей на какаду

У цэнтры сталiцы Малдовы падчас святочных мерапрыемстваў, прымеркаваных да Дня горада, адбыўся магутны выбух.

Выбуховае прыстасаванне, тып якога пакуль не вызначаны, спрацавала на цэнтральнай плошчы, раненнi атрымалi 15 чалавек. Стан 11 пацярпелых не выклiкае асцярогi, у чацвярых — раненнi сярэдняй ступенi цяжару. Па адной з версiй МУС Малдовы ў цэнтры Кiшынёва магла спрацаваць магутная пiратэхнiка, па iншай — падарвалася граната.

У Маскве ўстаноўлены рэкорд па ДТЗ

У аўторак у Маскве была зафiксаваная рэкордная колькасць аварый. Па звестках першага намеснiка кiраўнiка дэпартамента транспарту i сувязi сталiцы Аляксея Казанiна, за дзень у горадзе адбылося 2346 ДТЗ.

Прычына гэтага рэзкага ўсплёску аварыйнасцi невядомая. Папярэднi ўсплёск у сталiцы Расii адбыўся ў пачатку вясны — больш за 1600 дробных ДТЗ i 24 выпадкi, у якiх пацярпелi людзi.

Амерыканцы мянялi дзяцей на какаду

Муж i жонка са штата Луiзiяна прызналiся, што памянялi дваiх дзяцей на экзатычную птушку. У абмен на паказаннi i сведчанне супраць выхавальнiцы дзяцей Пол i Брэндзi Рамэра атрымалi пяцiгадовы ўмоўны тэрмiн.

Як заявiў бок абвiнавачвання, 46-гадовы Пол i 28-гадовая Брэндзi не маглi мець дзяцей, а пра юрыдычныя наступствы здзелкi — за дзяцей яны аддалi свайго какаду i 175 долараў — не ведалi. Яны сцвярджаюць, што проста хацелi даць прытулак двум дзецям, у якiх не мела патрэбы Дона Грынуэл. Раней паведамлялася, што Грынуэл абдурыла Рамэра, сцвярджаючы, што патрацiць 175 долараў для афармлення дакументаў на ўсынаўленне. Грынуэл не з'яўляецца мацi дзяцей, але дзецi жылi з ёй са згоды бацькоў. Па версii следства, менавiта Грынуэл выступiла iнiцыятарам абмену, адгукнуўшыся на аб'вестку Рамэра аб продажы птушкi.

У Паўднёвай Карэi масава ажанiлiся

Рэлiгiйная арганiзацыя "Царква Аб'яднання" правяла ў горадзе Асан, размешчаным каля Сеула, масавую цырымонiю шлюбу — у ёй удзельнiчалi больш за 20 тысяч чалавек.

Маладыя лiчаць, што падчас цырымонii на iх сходзiць чароўнае блаславенне. Па традыцыi "Царквы Аб'яднання", некаторыя з жанiхоў i нявестаў у дзень вяселля бачаць адно аднаго ў першы раз. Адзначаецца, што ў сувязi з гэтым рэлiгiйную арганiзацыю не раз абвiнавачвалi ў сектанцтве. Аднак самi ўдзельнiкi масавага шлюбу лiчаць, што арганiзаваныя такiм чынам мiжэтнiчныя шлюбы "ўмацоўваюць мiр на планеце". Цырымонiя праводзiлася ў гонар 90-годдзя заснавальнiка рэлiгiйнай арганiзацыi Мун Сон Мена i 50-годдзя яго вяселля.