...
Беларускiя выратавальнiкi ўвечары 11 кастрычнiка шукалi ў лесе людзей, якiя заблукалi. У 19.48 малады чалавек па мабiльнiку паведамiў у дзяжурную службу МНС аб тым, што ён з раднёй заблукаў у лесе ў раёне пасёлка Сосны. Для правядзення пошукавых работ былi задзейнiчаныя 31 выратавальнiк з двума сабакамi i 11 мiлiцыянераў (таксама з сабакам). Праз 3 гадзiны чатырох чалавек, якiя згубiлiся, знайшлi каля садовага таварыства "Спадарожнiк" Мiнскага раёна. Іх стан быў здавальняючы.
Печ па пераплаўцы воску загарэлася ў манастыры ў Мiнскiм раёне. Узгаранне здарылася ў вёсцы Цна ў падвале цагельнага дома прыхода Свята-Елiзавецiнскага манастыра. Агнём пашкоджаны электрашчыт, закурадымлена памяшканне. Пацярпелых няма. Як мяркуецца, прычынай стала парушэнне правiлаў эксплуатацыi электрапечы, у якой плавiўся воск.
П'яны вадзiцель затрыманы ў Слуцкiм раёне пасля доўгай пагонi са стральбой. Экiпаж ДАI на службовым "Опелi" гнаўся за машынай ВАЗ-2106, вадзiцель якой iгнараваў неаднаразовыя патрабаваннi аб спыненнi. Парушальнiк паводзiў сябе на дарозе агрэсiўна, неаднаразова выязджаў на паласу сустрэчнага руху, перашкаджаў абгону. Калi пагоня перамясцiлася ў вёску Навадворцы, iнспектарам нiчога не заставалася, як прымянiць зброю — адбыўся стрэл у паветра, i вадзiцель спынiўся. Ён кiнуў машыну i паспрабаваў збегчы, але быў затрыманы. Высветлiлася, што аўтамабiлем кiраваў непрацуючы жыхар в. Цялевiчы, 1986 г.н., п'яны. Ён знаходзiцца ў iзалятары часова ўтрымання.
Пракуратура Жлобiнскага раёна распачала крымiнальную справу па факце давядзення да самазабойства 17-гадовага юнака, якi, не вытрымаўшы здзекаў 28-гадовага мясцовага жыхара, выкiнуўся з акна кватэры, размешчанай на 3-м паверсе. Раней судзiмы нецвярозы мужчына запрасiў юнака на размову ў сваю кватэру. Зачынiўшы дзверы, ён стаў здзекавацца з хлопца. Калi гаспадар павёў юнака ў ванны пакой, каб пакiнуць яго там з ратвейлерам, малады чалавек кiнуўся да акна i скочыў з 3-га паверха. Ён памёр ад траўмаў, што атрымаў пры падзеннi. Распачата крымiнальная справа.
Двое дзяцей загiнулi на пажары ў Глыбоцкiм раёне. Трагедыя адбылася ў вёсцы Мацюкова. Да прыезду выратавальнiкаў i брыгады "хуткай дапамогi" каля дома ў беспрытомным стане знаходзiлiся двое дзяцей 2004 г.н., першую дапамогу iм аказвала фельчар мясцовага ФАПа. Выратаваць малых, што атруцiлiся прадуктамi гарэння, не ўдалося. Высветлiлася, што мацi хлопчыкаў, даярка мясцовага СВК 1984 г.н., пайшла ранiцай на працу i замкнула дзверы на ключ. Каля васьмi ранiцы аднавяскоўцы заўважылi дым, што iшоў з-пад даху. Яны ўзламалi дзверы i выклiкалi выратавальнiкаў. Папярэдняя прычына пажару — дзiцячае свавольства з агнём.
Аўтамабiля коштам Br800 млн можа пазбавiцца лiтоўскi дальнабойшчык за схаваныя 118 пачкаў цыгарэт. У пункце пропуску "Катлоўка" на беларуска-лiтоўскай мяжы пры афармленнi на выезд грузавога аўтамабiля "Вольва" з паўпрычэпам быў выяўлены схаваны тавар. Вадзiцель схаваў у кабiне 11 блокаў цыгарэт "Кiс" i 8 пачкаў "Вiнстана" з акцызнымi маркамi РФ. Гэты факт паслужыў падставай да канфiскацыi да рашэння суда аўтамабiля i паўпрычэпа коштам па Br400 млн кожны, а таксама цыгарэт. Калi будзе прынятае рашэнне аб iх канфiскацыi ў даход дзяржавы, кошт пачка цыгарэт для няўдачлiвага кантрабандыста складзе амаль Br6,8 млн.
Урад Эстонii падтрымаў законапраект аб увядзеннi новага свята: Дня бабуляў i дзядуляў. З 2010 года ён будзе адзначацца кожную другую нядзелю верасня. У Эстонii гэта свята ўжо адзначаюць у шмат якiх школах, дзiцячых садках, валасцях i паветах.
ПОЎНЫ АБЗАЦ Жыхар вёскi Вялiкiя Матыкалы Брэсцкага раёна атрымаў апёкi, заснуўшы каля газавай плiты. Непрацуючы грамадзянiн, па словах яго жонкi, увечары прыйшоў з рыбалкi ў стане алкагольнага ап'янення. Ён пачаў грэць ежу на газавай плiце i заснуў каля агню. У вынiку на iм загарэлася адзенне, ён атрымаў апёкi спiны, грудзей, рукi, твару — усяго каля 20 % скуранога покрыва. Жонка дапамагла патушыць пажар, было вырашана не звяртацца па медыцынскую дапамогу. Аднак калi няўдачлiвы рыбалоў пачаў цверазець, ён адчуў моцны боль, выклiкаў хуткую дапамогу i быў шпiталiзаваны.Нацыянальны алiмпiйскi камiтэт (НАК) Новай Зеландыi пагражае падаць у суд на 23-гадовага Логана Кэмпбэла, якi для таго, каб забяспечыць сабе ўдзел у Лонданскiх Алiмпiйскiх гульнях-2012 у спаборнiцтвах па тэквандо, адчынiў у Оклендзе публiчны дом. З дапамогай "клуба класа люкс для джэнтльменаў" ён спадзяецца зарабiць каля 200 тыс. долараў, якiх, на яго думку, хопiць, каб цалкам засяродзiцца на трэнiроўках i не быць цяжарам для бацькоў. Аднак НАК палiчыў, што такi "бiзнэс" дыскрэдытуе алiмпiйскiя каштоўнасцi i яго патрэбна тэрмiнова спынiць, у адваротным выпадку НАК падасць на спартсмена ў суд. У сваю чаргу Кэмпбэл, якi ўжо ўдзельнiчаў у Алiмпiйскiх гульнях у Пекiне, па мясцовым тэлебачаннi заявiў, што сам падасць на НАК у суд, бо прастытуцыя i ўтрыманне публiчных дамоў у Новай Зеландыi лiчацца законным вiдам дзейнасцi