Талiбан ударыў у штаб
Арменiя i Турцыя ўвечары у суботу падпiсалi дамову аб нармалiзацыi двухбаковых адносiнаў памiж краiнамi.
Подпiсы пад "Пратаколам аб усталяваннi дыпламатычных стасункаў" i "Пратаколам аб развiццi двухбаковых адносiнаў" паставiлi кiраўнiкi МЗС Турцыi i Арменii Ахмет Давутаглу i Эдвард Налбандзян. На цырымонii прысутнiчалi дзяржсакратар ЗША Хiлары Клiнтан, мiнiстры замежных спраў Расii i Францыi Сяргей Лаўроў i Бернар Кушнер, а таксама вярхоўны камiсар ЕС па знешняй палiтыцы i бяспецы Хаўер Салана. Пасля падпiсання дакументы павiнны быць ратыфiкаваныя парламентамi дзвюх краiн. Дыпламатычныя сувязi памiж краiнамi да цяперашняга часу адсутнiчалi, мяжа памiж iмi закрытая з 1993 года.
Талiбан ударыў у штабПакiстанскiя талiбы, супраць якiх урадавыя войскi з вясны вядуць масiраваны наступ, акружаючы падкантралольную iм тэрыторыю правiнцыi Вазiрыстан, нанеслi ўдар у адказ у суседняй правiнцыi Пенджаб.
У суботу яны здзейснiлi спробу прабiцца да будынка Генеральнага штаба ўзброеных сiл у горадзе Равалпiндзi непадалёк ад сталiцы. Пасля правалу гэтай аперацыi асноўная частка тэрарыстаў захапiла адзiн з пунктаў аховы вайсковага комплексу, дзе ўзяла ў закладнiкi больш за сорак афiцэраў i грамадзянскiх службоўцаў. Аперацыя па вызваленнi заложнiкаў пачалася а 6 ранiцы ў нядзелю. вайскоўцам, узмоцненым падраздзяленнямi спецназа, удалося забiць чацвярых з пяцi тэрарыстаў, вызвалiўшы 30 закладнікаў.
"Грынпiсаўцы" начавалi на даху парламентаАктывiсты арганiзацыi "Грынпiс" правялi ноч на даху брытанскага парламента ў Вестмiнтэры ў знак пратэсту супраць змены клiмату.
Акцыя пратэсту прымеркаваная да выхаду парламентарыяў на працу пасля летнiх вакацый. Пераначаваць на даху Палаты абшчын атрымалася ў 31 "зялёнага". Удзельнiкi акцыi пратэсту расцягнулi на даху жоўтыя транспаранты з надпiсам "Змянiце палiтыку, выратуйце клiмат!". Больш за 20 удзельнiкаў акцыi былi затрыманыя.
30-кiлаграмовы валёнакскачалі ў казахскiм горадзе Сямей, больш вядомым як Сямiпалацiнск.
Вышыня валёнка складае 173 сантыметры, вага — 30 кiлаграмаў. На яго выраб спатрэбiўся тыдзень i каля 50 кiлаграмаў поўсцi. Валёнак быў створаны некалькi гадоў таму ў адказ на выраб абутку гiганцкага памеру ў Расii — у той час як расiяне скачалi абутак 64-га памеру, iх калегi вырабiлi валёнак 106-га памеру.