Спецдатчыкі будуць сачыць за тэмпературай у грамадскім транспарце Мінска зімой

Пра гэта паведаміў першы намеснік генеральнага дырэктара — галоўны інжынер ДП «Мінсктранс» Барыс Дземідовіч.

Ён удакладніў, што спачатку ноу-хау выпрабуюць на некалькіх тралейбусах і аўтобусах, у салонах якіх ўсталююць доследныя ўзоры тэмпературных датчыкаў. Праз навігацыйную сістэму прыборы будуць адсочваць, працуе ацяпленне ці не.

У перспектыве «Мінсктранс» мае намер закупляць транспарт, ужо абсталяваны такімі датчыкамі.