Беларусы смуткуюць разам з палякамі

Каля польскай амбасады ў Мінску некалькі гадзін стаяла каля дваццаці чалавек, якія прыносілі кветкі, выказвалі спачуванні.

Як паведамілі ў амбасадзе Польшчы, сёння у будынку пасольства па вуліцы Румянцава, 6 у Мінску змешчана жалобная кніга.

Там жадаючыя змогуць пакінуць словы спачування польскаму народу з нагоды трагічнай гібелі палякаў, у тым ліку прэзідэнта краіны Леха Качыньскага, у авіякатастрофе пад Смаленскам.

Беларусы нясуць кветкі да польскай амбасады. Каля цэнтральнай брамы ляжаць белыя і чырвоныя гваздзікі і ружы, запалены памінальныя свечкі. На тэрыторыі амбасады прыспушчаны дзяржаўны сцяг Польшчы, а таксама сцяг Еўрасаюза.