Лукашэнка вечарам будзе бегаць на лыжах

Аляксандр Лукашэнка расказаў, як ён правядзе дзень прэзідэнцкіх выбараў.

«Правяду таксама, як учора і заўчора: прыходжу дадому — на стале 15 кг дакументаў. Разгледжу дакументы, адпраўлю па пошце ў Адміністрацыю прэзідэнта, павячэраю, пакідаю снег, прабягуся на лыжах, лягу спаць», — сказаў Лукашэнка, адказваючы 19 снежня на пытанні журналістаў на выбарчым участку.

Ён адзначыў, што ў выпадку перамогі на выбарах «усё святкаванни будуць потым». «Калі хтосьці лічыць, што выбарамі ўсё сканчаецца, то ён памыляецца. выбарамі ў прэзідэнтаў усё толькі пачынаецца, і ў выпадку перамогі ў мяне заўтра пачнецца праца, буду думаць аб будучыні», — адзначыў кіраўнік дзяржавы.