Затрыманы Сяргей Вазняк

Сяргей Вазняк, сябра ініцыятыўнай групы Някляева, быў затрыманы ў Мінску прыкладна ў 13.40 у аўторак.

Ён паспеў паведаміць аб затрыманні начальніку штаба У.Някляева Андрэю Дзмітрыеву, які, ў сваю чаргу, звязаўся з юрыстамі.

На дадзены момант невядомая прычына затрымання, невядома таксама, у чым абвінавачваюць С.Вазняка.

Як паведаміла ў гутарцы з карэспандэнтам «НН» юрыст Раіса Міхайлоўская, ніякай інфармацыі супрацоўнікі праваахоўных органаў пакуль не даюць.