Дагавор аб зоне свабоднага гандлю ў СНД будзе падрыхтаваны да канца года

У Маскве адбылося пасяджэнне Савета кіраўнікоў дзяржаў — удзельніц СНД. Пасяджэнне ўключала таксама шырокі парадак дня: на абмеркаванне прэзідэнтаў было вынесена больш за паўтара дзясятка пытанняў.

Адным з асноўных стаў разгляд ходу падрыхтоўкі праекта Дагавора аб зоне свабоднага гандлю.

Як лічыць беларускі бок, зона свабоднага гандлю ў СНД без выключэнняў і абмежаванняў удыхне новае жыццё ў інтэграцыйныя працэсы на постсавецкай прасторы і значна павысіць імідж Садружнасці. Беларусь зыходзіць з таго, што палажэнні дагавора аб зоне свабоднага гандлю павінны паляпшаць дзейныя гандлёвыя рэжымы, устаноўленыя раней падпісанымі шматбаковымі і двухбаковымі пагадненнямі ў гэтай сферы, а таксама садзейнічаць скарачэнню колькасці існуючых ва ўзаемным гандлі выключэнняў.

Па ініцыятыве беларускага боку быў падрыхтаваны і прыняты зварот у сувязі з 25-й гадавінай чарнобыльскай катастрофы. Яго мэта — нагадаць аб той страшнай трагедыі, наступствы якой да гэтага часу адчуваюць на сабе многія тысячы людзей як у Беларусі, так і ва Украіне і Расіі.

Паводле паведамленняў прэс-службы Прэзідэнта Рэспублікі Беларусь і белта.